søndag 23. desember 2012

mandag 5. november 2012

 
Artig skrue hettehue til Theo og gratis oppskrift fann eg på her:  http://www.pickles.no/artig-skrue-hettelue 
Garnet eg har brukt er Dale Cotinga (70% merionoull/30% alpakka), strikka det med dobbel tråd, trur det vil bli ei god og varm hettehue til vinteren.


søndag 28. oktober 2012

Pute med fletter.

 Ei ny fletta pute er blitt til, Jeanett ville gjerne ha to stk.
 

 
Bak har eg strikka kun riller.
 
Tenkte eg skulle legge ut oppskrifta denne gang.  Veldig enkel pute å strikke.
Oppskrifta fann eg i Familien nr. 19/2011.
 
Eg har brukt Drops Eskimo, men i oppskrifta er det brukt Drops Polaris.
 
Legg opp 44 m på p. 10 (som eg brukte).  Strikk 3 riller (1 rille = 2 pinnar rett).
Deretter 1 pinne rett med 3 m rille i kvar side.
Vidare strikk du slik - frå vranga: 3 m rille, 2 rett, 2 vr, 3 rett, M.1 = sett 3 m på hjelpepinne bak arbeidet, strikk 3 rett og deretter 3 rett frå hjelpepinnnen,  strikk 3 rett,  M.2 = sett 3 m på hj.p. foran arbeidet, strikk 3 rett, strikk 3 rett frå hj.p., strikk 3 rett, M.1 = sette 3 m på hj.p bak arbeidet, strikk 3 rett, 2 vr, 2 rett, 3 m rille.
(Det er 9 med rettstrikk mellom kvar gang du flettar, med unntak av i starten då er det fem rettstrikk før fletting og heilt i slutten er det 4 rettstrikk).
Fortsett med dette mønsteret til arb. måler 46 cm.  (Det er bedre at puten blir kortare enn 46 cm enn lengre).  Strikk 3 riller og fell av.
 
Montering sy delane saman i ytterste ledd av ytterste maske.
 
Håper det blei forståeleg.
 

Viser mønster M1 og M2.
 

tirsdag 9. oktober 2012

 
Strikka pute med fletter, har brukt garnet Drops Eskimo.
Oppskrifta fann eg i bladet Familien.


søndag 7. oktober 2012


Smilande og blid manneqeng i osloanorakken, snakk om å sjarmere i senk.
 
Ein herleg gut.
 


 



onsdag 3. oktober 2012

 
Var så heldig å få meg ny og fin strikkeveske og etui til rundpinnar av svigermor i dag.
 
Det nye strikkeprosjektet mitt er allereie komt oppi.


tirsdag 25. september 2012

 
Lenge sidan det har komt noko frå denne kanten, men har imellomtida strikka osloanorakken til Theo.
Om han blei slik han skulle veit eg ikkje, har alltid litt problem med å lese oppskriftene.  Alt i alt blei eg ganske godt fornøgd.


 

tirsdag 31. juli 2012

I dag gjekk eg på heia og skulle finne fjellets gull, iallefall i mine auge. 
Plukkar og renskar rett i boksane og kvar boks har 700 gram med molter, så då har eg redda julemolta for to år. 

Strikking har det blitt mindre med, men har strikka endå eit par vottar, kvifor det blei slik kan jo lesarane få lure på.



tirsdag 17. juli 2012


Eit nydeleg brudepar som har sagt ja i Hana kirke i Sandnes, so no er også yngste datter gift.




Eg fekk lov å lage pynt til middagsbordet og kaffibordet, den eine borddekorasjonen eg laga.


Værgudane var også på vår side, gjorde dagen heilt perfekt, eit koseleg bryllup.


Pandi var i kattepensjonat på Myrmel, har nok ikkje lidd nokon nød, men var veldig glad for å sjå oss igjen.

lørdag 23. juni 2012


Har strikka eit par vottar frå Fru Soleng's oppskriftsbok.
Det skal vere damevottar men mine hender var for store til desse, trur meir dei passar jentehender.

Eg brukte garnet som sto i boka, østlandsgarn.




lørdag 16. juni 2012


Syns eg har hatt ein utruleg flaks når det gjeld give away.  Sjå for ein fantastisk premie eg fekk, gleder meg til å prøve det mjuke nydelege garnet.
Vann det på give awayen til http://strikkedolla.blogspot.com, ein blogg det er vel verdt eit besøk.

Måtte i tillegg legge inn bilde av prinsen
med den korterma gensaren eg strikka.

fredag 1. juni 2012



Korterma gensar til Theo strikka i Mandarin Petit.  Mønsteret fann eg i Familien.




søndag 13. mai 2012


Endå eit par tøfler til Jeanett, litt greitt å ha to par.
Superenkle og snare å lage.


Under er det nye prosjektet mitt, det blir til lille prinsen i familien.


tirsdag 8. mai 2012


Har prøvd meg på eit par gryteklutar som eg fann i same hefte som fletteputa, strikka doble så eg trur ikkje eg får svidde fingra.
Brukte garnet mandarin Petit, nokre restar eg hadde liggande.

lørdag 5. mai 2012

Strikka pute


Har lenge hatt lyst å strikke ei flettepute, og så tenkt så gjort.

Strikka puta i Rauma vamsegarn, 100% ull.




Skulle eigentleg strikka same bak, men fann ut eg heller ville ha rillemønster.

Har sydd den saman med attersting.



mandag 16. april 2012

Tøfler


Jeanett ønskte seg tøfler, fann ideen her http://strikkehilde.blogspot.com/, så no er tøflane på veg til Sandnes.